මේ පවුල ඉන්නේ මැදවච්චිය, ඇටවීරගොල්ලෑව, පාඩිග්ගම ගමේ. පුංචි පැලක ඉන්නේ. දරුවෝ 3 දෙනෙක් ඉන්නවා. උපාලි රණවීර (50), අනෝමා ප්‍රියනන්දනී (45), අමායා (1), මධුර (12), මධුෂිකා (12).
ප්‍රධාන මාර්ගයෙන් කිලෝමීටර් 1ක් පමණ කැලේ ඇතුලේ මේ අය ඉන්නේ. සවස 5 වෙනකොට පවුලේ හැමෝම ගහක් උඩ තියෙන පැලට නගින්නේ රෑට එන අලින්ගෙන් බේරෙන්න. ආපහු හොඳට එළිය වැටුනහම ගහෙන් බැහැලා මේ දරුවෝ පාසල් යනවා...
දවල්ට ඉන්නේ කටුමැටි, ඉටිරෙදි වටකරගත් පුංචි පැලක. පුංචියට ගොවිතැනුත් කරනවා. කැලේට ගිහින් සතෙක්ව දඩයම් කරගෙන ඒවගෙන් තමා ජීවත්වෙන්නේ. කන වේල් ගානට වඩා බඩගින්නේ ඉන්න වේල් ගානනම් වැඩීලූ. ඊටත් වඩා හැමදාම පණ බයෙන් ඉන්නේ ඉන්නේ අලි එයි කියලා.
මොනවා වුනත් කරන පව්කාර රස්සාව නවත්වලා යහපත් ආකාරයට මුදල් උපයන්න මගපෙන්වලා දෙන්න හිතුවා. ඉස්සර අපි ව්‍යාපෘති කලා වගේ මාස්පතා ඒ අයගේ බැංකු ගිණුම් වලට දහස් ගණන් තැන්පත් කරන්න කියලා අපි කියන්නේ නැහැ. මොකද යැපුම් මානසිකත්වයට හුරුකරන්න හොඳ නෑ.
ඒ වගේම සතියකට දෙකකට කන්න කෑම ටිකක් දීලා වැඩක් නැති නිසා අපි තීරණය කලා මේ අයට ස්වයංරැකියාවකට සහය දක්වන්න. ගෙදර ඉඳන්, ගමේ ඇවිදලා සහ සති පොළට ගිහින් කාන්තා සහ ළමා නිමි ඇඳුම් විකුණන්න ස්වයංරැකියාවක් ආරම්භ කරලා දෙන්න අපි බලාපොරොත්තු වෙනවා. පුංචි කඩයක් හදාගන්නම් කීවා ඒ අයගේ නෑදෑ ගෙදරක.